04 сен 18:47
Янгиликлар

Қишки спорт турлари

Ажойиб дебют! Гейниш ва Чигирев жуфтлиги қисқа дастурда иккинчи ўринни эгаллади

Маълум қилганимиздек, бугун тонгда АҚШнинг Нью-Йорк шаҳрида фигурали учиш бўйича "Челленжер" туркумидаги "John Nicks Pairs Challenge International" мусобақаси бошланди.

Жуфтлик йўналишида ўтказилаётган мусобақада Ўзбекистон терма жамоаси аъзолари Екатерина Гейниш ҳамда Дмитрий Чигирев ҳам иштирок этмоқда. Бу уларнинг терма жамоамиз сафидаги илк мусобақаси.

Турнир регламентига кўра, бугун тонгда қисқа дастур беллашувлари ўтказилди. Унда Гейниш ва Чигирев билан бир қаторда 8 та давлатнинг 14 жуфтлиги баҳс олиб борди.

Эътиборлиси, дастур якунига кўра, спортчиларимиз 64.62 балл билан иккинчи ўринни эгаллашди. Биринчи ўрин эса АҚШ вакиллари Элли Кем ва Дэнни О'Шига насиб этди (67.46). Кучли учликни италиялик Ребекка Гиларди ва Филиппо Амброзини (64.61) якунлаб берди.

Бугун мусобақа доирасида эркин дастур ташкил этилади.