06 фев 12:20
Янгиликлар
Хоккей
Ажойиб. "Ҳумо" жамоаси бу йил ҳам "Мишкопад" тадбирини ўтказадиган бўлди
Тошкентнинг "Ҳумо" хоккей клуби "Актобе"га қарши уй ўйинидан сўнг "Мишкопад" тадбирини ўтказади.
Бу ҳақда клуб матбуот хизмати хабар бермоқда.
Айни дамда Қозоғистон мунтазам чемпионатида иккинчи ўринда бораётган тошкентликлар 9 февраль куни "Ҳумо Арена"да мунтазам чемпионатнинг сўнгги ўйинида музга чиқади.
"Актобе"га қарши кечадиган мазкур ўйин ўз якунига етганидан сўнг, "Ҳумо Арена"да "Мишкопад" тадбири ташкил этилади. Бу тадбир доирасида мухлислар ўзлари билан олиб келган юмшоқ ўйинчоқларни музга ташлашади, йиғилган барча ўйинчоқлар Республика Онкология ва радиологияси қошидаги Ishonch нотижорат хайрия фонди кўмагида бетоб ва эҳтиёжманд болаларга совға қилинади.
Эътиборлиси, "Ҳумо" жамоаси бу тадрибни ўзи иштирок этаётган ҳар бир мавсумда ташкил этиб келмоқда.
Ҳавола :
Манба : hchumo.uz
Фикрлар