22 сен 12:11
Янгиликлар

Эшкак эшиш, Осиё ўйинлари

Академик эшкак эшиш. Ўзбекистон шарафини ҳимоя қилаётган Анна Пракатен финалга йўл олди

Хитойнинг Ханчжоу шаҳрида Осиё ўйинлари бошланди.

Бугун мусобақа доирасида академик эшкак эшиш бўйича ярим финал беллашувлари ташкил этилди.

Унда Токио Олимпиадаси кумуш медали соҳибаси, бунгача Россия шарафини ҳимоя қилган, бугунги кунда Ўзбекистон терма жамоаси аъзосига айланган Анна Пракатен стартга чиқди.

У ярим финалда 7:47.88 натижа кўрсатди ва маррага биринчи бўлиб етиб келди.

Энди у 25 сентябрь куни ташкил этиладиган финал баҳсларида медаллар учун курашади.