Академик эшкак эшувчиларимиз Осиё чемпионатида ғалаба қозонишди

Қувонарлиси, айни пайтгача ўтказилган баҳслар якунига кўра терма жамоамиз вакиллари бир нечта йўналишларда олтин медалларни терма жамоамиз ҳисобига қўшиб қўйишди.

Муросасиз кечган эшкак эшиш баҳсларида LM4X ва М8 йўналишларида эркаклар экипажларимиз қитъада тенгсиз эканликларини исботлашди. Шунингдек, Рио Олимпиадаси иштирокчиси Шаҳбоз Холмурзаев оғир вазнли қайиқда яккалик баҳсларда юртимиз шарафини муносиб ҳимоя қилиб, якунда кумуш медаль билан тақдирланди.

Маълумот учун, терма жамоамиз барча медалларни 2000 метр масофага сузиш баҳсларида қўлга киритди. LM4X таркиби: Шеҳроз Ҳакимов, Собир Сафаралиев, Евгений Агафонов, Шаҳзод Нурматов. М8 таркиби (бошқарувчиси билан): Достонжон Ҳурсанов, Ўктамжон Давронов, Зафар Усмонов, Шоҳжаҳон Нажмиев, Отамурод Раҳимов, Достонжон Баҳриев, Анатолий Краснов, Алишер Турдиев, Сардор Тўлқинхўжаев.

Эслатиб ўтамиз, ўтган йили Жанубий Кореянинг Чунгжу шаҳрида бўлиб ўтган академик эшкак эшиш бўйича ёшлар ўртасида Осиё чемпионати ва катталар ўртасида Осиё Кубоги мусобақасида вакилларимиз умумий ҳисобда 7та олтин, 2та кумуш ва 3та бронза медалини қўлга киритишган эди.