21 янв 08:27
Янгиликлар

Шахмат

Академияда мамлакат чемпионлиги учун кураш авж паллада ФОТОРЕПОРТАЖ

Пойтахтимиздаги Халқаро шахмат академиясида 8, 10, 12 ёшли ўғил-қизлар ўртасида Ўзбекистон чемпионати давом этмоқда.

Кеча чемпионатнинг 6-тур ўйинлари бўлиб ўтди. Унга кўра Эъзозхон Ҳасанова (8 ёш) тенгдошлари орасида якка пешқадам бўлиб турибди. Эъзозхон 6 тур бўйича 5,5 очко жамғарди. Бугун у Зайнура Абророва (5 очко) билан ўйнайди.

Қашқадарёлик Шахзод Исломов (8 ёш) ҳам ўтган турлар бўйича 5,5 очко тўплай олди. Бугун у Жаъфар Эркинов (Тошкент ш.)га қарши дона суради. Жаъфарнинг ҳисобида 5 очко бор. Нилуфархон Имомқўзиева, Афрўза Ҳамдамова, Акбар Ёқуббоев, Баҳром Бахриллаевлар ҳам ўз гуруҳларида пешқадамлик қилишмоқда.

Бугун 7-тур ўйинлари бўлиб ўтади. Мусобақа ғолиб ва совриндорлари эса 23 январь куни маълум бўлади.