16 дек 17:10
Янгиликлар

Оғир атлетика

Акбар Жўраев даст кўтаришда жаҳон чемпиони, Руслан Нурудиновда бронза

Пойтахтимиздаги "Юнусобод" спорт мажмуасида оғир атлетика бўйича катталар ўртасидаги жаҳон чемпионати давом этмоқда.

Айни дақиқаларда -109 кг вазн тоифасида медаллар учун кураш давом этмоқда. Ҳозиргина даст кўтариш машқи бўйича жаҳон чемпионати совриндорлари номи маълум бўлди. Биз учун аҳамиятлиси, медаллар учун Рио ҳамда Токио Олимпиадалари чемпионлари - Руслан Нурудинов ва Акбар Жўраев супачага чиқди.

Акбар Жўраев 195 кг вазнни ўзига бўйсундириб, катта устунлик билан жаҳон чемпионига айланди. Токио Олимпиадасининг кумуш медали совриндори, арманистонлик Симон Мартиросян 188 кг вазн билан кумуш, Руслан Нурудинов эса 185 кг билан бронза медалини қўлга киритди. Бироздан сўнг силтаб кўтариш баҳслари бошланади.