Акбар Жўраев: "Парижда ҳам худди шундай медаль олишга бор кучим билан ҳаракат қиламан"

Бу билан ўзбек оғир атлетикаси жаҳонда етакчилардан эканини яна бир карра кўрсатган бўлса, чемпионлик Президентимиз ва миллионлаб ҳамюртларимизни хурсанд қилди. Ўз навбатида, Жўраев мусобақадан кейинги фикрлари билан ўртоқлашди:

“Ҳаяжон жуда катта. Аввало, Президентимизга катта раҳмат айтмоқчиман. Олимпия ўйинлари – биз Янги Ўзбекистон ёшларининг нималарга қодир эканлигини кўрсатиб бериш учун ажойиб имконият. Президентимизнинг биз ёшларга берган ишончи ва меҳри менга янада куч берди. Бундан ташқари, мени қўллаб-қувватлаб турган барчага ўз миннатдорчилигимни билдираман. Ушбу ғалабамни юртимиз мустақиллигининг, жонажон Ўзбекистонимизнинг 30 йиллигига бағишладим. Париж-2024 Олимпиадасида ҳам худди шундай медаль олишга бор кучим билан ҳаракат қиламан. Барча мураббийларим, менга мухлислик қилган ҳаммага раҳмат. Барча ҳаваскор ёшларга спорт билан шуғулланишни, машғулотларни охиригача олиб боришни тавсия қилган бўлардим”, – деди Олимпиада чемпиони ва рекордчиси Акбар Жўраев.

Ўз навбатида биз ҳам Жўраевнинг келгуси фаолиятида омад тилаб қоламиз!