25 июн 17:59
Янгиликлар

Спорт курашлари

Актенге Кеунимжаева - Осиё чемпиони, Есбергеновада бронза!

Қирғизистон пойтахти Бишкек шаҳрида спорт курашлари бўйича ўсмирлар (U 17) ва ёшлар (U 23) ўртасида Осиё чемпионати давом этмоқда.

Қувонарлиси, аёллар кураши мусобақасида ҳамюртимиз Актенге Кеунимжаева барча рақибаларини мағлубиятга учратиб, Осиё чемпионига айланди. Ҳамюртимиз олтин медаль йўлида қозоғистонлик Эллада Махяддинова, ҳиндистонлик Антим Антим, қирғизистонлик Айжан Сабирбек қизи ҳамда мўғулистонлик Ҳулан Батхуягдан устун келди.

Қитъа чемпионатининг 68 кг вазн тоифасидаги беллашувларида юртимиз шарафини ҳимоя қилган Азода Есбергенова бронза медалига сазовор бўлди. 65 кг вазндаги курашчи-қизимиз Динора Рустамова кечки дастурда медаллар учун курашни давом эттиради.