06 авг 20:11
Янгиликлар

Футбол

"Ал Аҳли" Кессиэ учун "Барселона"га қанча тўлайди?

Франк Кессиэ яқин вақтларда Саудия Арабистони томон йўл олади.

Олдинроқ "Барселона" ва "Ал Аҳли" ивуарлик футболчининг трансфери борасида келишувга эришгани борасида маълумотлар тарқаганди. "Mundo Deportivo" хабарига кўра, "Ал Аҳли" эртага ушбу трансферни эълон қилиши кутилмоқда. "Барселона" Кессиэнинг кетишидан 12 млн евро ишлаб олади.

Футболчи янги клуби билан 3 йиллик шартнома имзолайди ва йилига 14 млн евро маош олади. "Барселона"да у шундан икки баравар кам маошга ўйнаганди.

Франк ўтган ёзда "Милан"дан эркин агент сифатида "Барселона"га ўтганди. У ўтган мавсум 43 ўйинда 3 гол ва 3 ассист қайд этди.