"Ал Ҳилол" Роналду билан боғланди

Саудия Арабистони клуби Криштиану Роналдуга катта таклиф тайёрламоқда.

"Манчестер Юнайтед" собиқ ҳужумчисига "Ал Ҳилол" қизиқиш билдирмоқда, дея хабар берди инсайдер Фабрицио Романо.

"Криштиану Роналду билан "Ал Ҳилол"га яқин одамлар алоқага чиқди. Клуб ақлдан оздирувчи таклиф билан чиқишга тайёргарлик кўряпти.

Бироқ битта қизиқ жиҳат бор. Менга "Ал Ҳилол" январь ойида ўйинчиларни қўлга кирита олмаслигини айтишганди. Улар фақат ёзда сотиб олишлари мумкин. Шунинг учун ҳозир бу амалга ошиши қийин", – деди Романо.

Олдинроқ "Эшитдик-да" рукни остида 37 ёшли футболчи Уругвай билан баҳсдан кейин юристлар билан кўришгани хусусида маълум қилган эдик.