"Ал Насср"да молиявий муаммолар пайдо бўлди. Клуб Роналдудан бу ҳақда оғиз очмасликни сўраган

Бу ҳақда "Essentialy Sports" хабар бермоқда. Манбага кўра, клуб сўнгги пайтларда Саудия Арабистони Инвестиция жамғармасига мунтазам равишда ушбу масала юзасидан мурожаат қилиб келади. "Ал Насср" таркибни кучайтириш учун пул сўраган, аммо рад жавобини олган.

Клуб президенти ва бошқарув аъзоларидан бир нечтаси ушбу масала ортидан аллақачон истеъфо берган. Роналду ҳам жамоа кучаймаслигидан норози. Бироқ клуб Криштианудан бу мавзу бўйича омма олдида гапирмасликни талаб қилган.