18 июл 16:37
Янгиликлар

Каратэ

Аламжон Муллаев Осиё каратэ федерацияси Ижроқўм аъзолигига сайланди

Аввалроқ, пойтахтимизда Осиё каратэ федерациясининг 14-Конгресси ўтказилаётганлиги ҳақида хабар қилгандик.

Мазкур Конгресс доирасида ташкилот президентлиги ва Ижроқўм аъзолиги учун сайловлар ташкил этилди.

Ўтказилган сайлов натижасига кўра Генерал Абдулраззоқ Носир (БАА) ташкилот президенти этиб сайланди. Биз учун яна бир аҳамиятли янгилик шундаки, унда Ўзбекистон каратэ Миллий федерацияси раиси Аламжон Муллаев Осиё каратэ федерацияси Ижроқўми аъзолигига сайланди.

Фурсатдан фойдаланиб, Аламжон Муллаевни билдирилган ишонч билан муборакбод этамиз. У кишига нафақат ўзбек спорти, балки қитъамиз каратэси ривожи йўлида муваффақият тилаб қоламиз.

Ўзбекистон каратэ Миллий федерацияси матбуот хизмати