Аламжон Муллаев Ўзбекистон каратэ Миллий федерацияси раҳбари этиб сайланди

Бу ҳақида Ўзбекистон каратэ Миллий федерацияси матбуот хизматига таяниб МОҚ хабар қилмоқда.

Конференцияда Ўзбекистон Миллий олимпия қўмитаси, Жисмоний тарбия ва спорт вазирлиги, федерация Ижроия қўмитаси аъзолари, вилоят федерациялари раҳбарлари, ҳакамлар, мураббийлар, терма жамоа аъзолари иштирок этишди.

Кун тартибидан вилоят федерация раҳбарлари, ЎКМФ бош ҳаками ва терма жамоалар мураббийларидан келиб тушган мурожаат ва аризаларни кўриб чиқиш, шунингдек, ташкилотга янги раҳбар сайлаш масалалари ўрин олганди.

Йиғилиш давомида федерацияда юзага келган бир қатор масалалар кўриб чиқилди, муҳокама қилинди.

Шундан сўнг Ўзбекистон каратэ Миллий федерацияси раиси лавозимига Аламжон Тўхтасинович Муллаев номзоди илгари сурилди. Конференция иштирокчилари эса кўрсатилган номзодни қўллаб-қувватлашди. Шу тариқа, Аламжон Муллаев ташкилотнинг янги раҳбарига айланди.