Альдо бошқа ММАʼга қайтмаслигини айтди

"Энди мен яхшироқ йўл излаяпман. Албатта, аралаш жанг санъатига қайтмайман. Промоушенга таклиф қилганингиз учун раҳмат. Лекин, UFC билан шартномам бор. Келинг, кейин нима бўлишини кўрамиз. Яна бир вариант бор — бокс. Бу эски орзу. Бир неча йил жанг қилдим, энди менинг ўғлим бор ва у билан бирга бўлишни хоҳлайман. Шундан кейин нима қилишни ўйлаб кўрамиз", - деди Альдо.

Бразилиялик жангчи 2011 йил енгил вазнда, UFC 129 турнирида дебют қилган. Кейинчалик у бу вазнда чемпионлик камарини қўлга қиритди ва уч йил давомида қаторасига етти марта чемпионликни ҳимоя қилди.

2015 йил декабрь ойида Альдо ирландиялик Конор Макгрегорга нокаут эвазига ютқазан. Аммо, кейин америкалик Фрэнк Эдгарни мағлуб этиб яна чемпион бўлганди. Америкалик Макс Холлуейдан икки маротаба ва австралиялик Алекс Волкановскига бир марта мағлуб бўлган. Кейин бразилиялик спортчи ўз карьерасининг сўнгги йилларида енгил вазн тоифасига кўтарилди.

Алдо UFCʼда 20 марта жанг ўтказган. Шу йилнинг август ойида бўлиб ўтган UFC 278 турниридаги сўнгги жангида Жосе грузиялик Мераб Двалишвилига очколар ҳисобида мағлуб бўлганди.