18 янв 08:56
Янгиликлар

Бокс/ММА

Александр Усик Фьюри, Жошуа ва Уайлдер учлигидан энг кучлисини танлади

Супероғир вазн тоифасида WBA, WBC, IBF ва IBO йўналишлари чемпиони Александр Усик юлдузли спортчилар учлигидан энг кучлисини айтди.

Мағлубият ва муросасиз келаётган украиналик 39 ёшли боксчи ўз дивизиони етакчилари Тайсон Фьюри, Энтони Жошуа ва Деонтей Уайлдер орасидан энг кучлиси ким деган саволга жавоб берди.

— Фьюри, Жошуа ва Уайлдерни энг кучлисидан энг кучсизига қараб тақсимласак-чи?

— Менда "кучли" деган тушунча йўқ. Уларнинг ҳар бири бугунги даражасига етиш учун йиллар сарфлаган. Аммо жангга тайёргарлигигининг мураккаблиги ва жангнинг шиддатига кўра, биринчи ўринга Тайсон Фьюрини қўяман. Иккинчи ўринда Энтони Жошуа турибди. Деонтей Уайлдерни ҳозирча учинчи ўринга қўяман, чунки у билан ҳали жанг ўтказмаганман. Бу мутлақо субъектив танлов", - дея Усикнинг сўзларини келтиради Redy to Fight нашри.