03 дек 13:04
Янгиликлар

Бокс/ММА

Александр Усик: "Жошуа билан жангда Жейк Пол учун дуо қиламан"

Супероғир вазнда WBC, IBF, WBA Super, IBO, The Ring йўналишлари чемпиони Александр Усик блогер-боксчи Жейк Пол ва собиқ жаҳон чемпиони Энтони Жошуа ўртасидаги жанг ҳақида гапирди.

Жейк Пол 19 декабрь куни АҚШнинг Майами шаҳрида ташкил этиладиган проф бокс оқшоми доирасида супероғир вазн тоифасида собиқ WBA, WBO, IBF йўналишлари чемпион британиялик Энтони Жошуага қарши тўлақонли профессионал бокс жангида рингга кўтарилади.

"Агар Жошуа истаса, Жейкни ўлдириб қўя олади... Мен Пол учун дуо қиламан, чунки у билан октагонда жанг қилмоқчиман", - дея Усикнинг сўзларини келтиради The Ring журнали.

Жошуа 36 ёшда. Профессионал боксда британиялик боксчи 2013 йилдан бери жанг ўтказиб келади. Унинг ҳисобида 28 ғалаба, 4 мағлубият бор. Жангларининг 25 тасини муддатидан аввал қўлга киритган. 28 ёшли Жейкнинг профессионал рекорди 12 ғалаба ва битта мағлубият.