Александр Усик - Тайсон Фьюри реванш жанги санаси маълум + ФОТО

Томонлар биринчи жанг шартномасида ёзилган реванш ҳақидаги банддан фойдаланишган. Реванш жангининг ўтказилишини шахсан Саудия Арабистони кўнгилочар Бош бошқармаси раиси Турки Ал аш-Шейх тасдиқлаган. Айнан у Ар-Риёддаги бокс турнирлари бош ташкилотчиси ҳисобланади. 

"Мутлақ жаҳон чемпиони Александр Усик ҳамда собиқ чемпион Тайсон Фьюри ўртасидаги реванш жангини шу йил 21 декабрь куни Ар-Риёд шаҳрида ўтказамиз. Бутун дунё яна бир тарихий жангга шоҳид бўлади. Бизнинг мухлисларга садоқатимиз ўзгармайди. Ўйлаймизки, бу сиз ёқади!", - деди Турки Ал аш-Шейх.

Александр Усик (22-0, 14 KO) ва Тайсон Фьюри (34-1-1, 24 KO) ўртасидаги иккинчи жанг 21 декабрь кунига белгиланди. Яқин кунларда бу ҳақда расмий матбуот анжуманида расман эълон қилинади. 19 май куни ўтказилган илк жангда Усик 12 раунд якунларига кўра ҳакамларнинг айри қарори билан ғалаба (114-113, 113-114, 115-112) қозонганди.