Али Абдел-Азиз Фергюсонга: "Агар Хабиб билан жанг қилганингда, у ҳаётингни жаҳаннамга айлантирарди»

«Сен Хабиб ҳақида фақатгина эътибор марказида бўлиш учун гапиряпсан. Агар сен у билан жанг қилганингда, у сенинг ҳаётингни вайрон этиб, жаҳаннамга айлантирган бўларди. Сенга ҳаётдаги энг яхши тилакларни тилайман ва бошқа сенга жавоб қайтармайман», — деб ёзган Абдел Азиз ўз Твиттер саҳифасида.

Эслатиб ўтамиз, Али Абдел-Азиз Хабиб Нурмагомедовнинг спорт фаолиятидаги менежери ҳисобланади. Жангчилар бир неча бор тўқнаш келишлари мумкин эди, аммо улар жанг қилишмади.

Ёз фасли охирида Хабибнинг ўзи Фергюсонга «тормозни босиш» ва спорт фаолиятини якунлаш вақти келганини айтганди. Чунки, у аллақачон 40 ёшда бўлиб, сўнгги учта жангида мағлуб бўлган.