Али Абдель-Азиз Махачев жанг қилмайдиган уч нафар топ жангчи рақиб номини айтди

"UFC'нинг Ислам учун мутлақо бошқа режалари бор. Уларда Чарльз Оливейра, Арман Царукян ёки Илия Топурия билан жанглар йўқ. Аммо бу спорт тури кутилмаган воқеаларга бой, нима бўлишини олдиндан айтиш мушкул", – деб ёзди Абдель-Азиз ўзининг ижтимоий тармоқдаги саҳифасида.

Махачев сўнгги жангини бир неча кун олдин UFC 311 турнири доирасида бразилиялик Ренато Мойкано билан ўтказиб, биринчи раундда бўғиш усули орқали ғалаба қозонди. У аслида Арман Царукянга қарши жанг қилиши керак эди, аммо рақиб жароҳати сабаб бу жанг бекор қилинганди.