Алишер Усмонов Халқаро қиличбозлик федерацияси раҳбари лавозимидан вақтинчалик истеъфога чиқди

Тегишли баёнот ташкилотнинг расмий сайтида пайдо бўлди. Усмонов бу лавозимда 2008 йилдан бери ишлаб келаётган эди.

«2022 йил 28 февралда Европа Иттифоқи менга санкция қўллади. Мен бу қарорни адолатсиз деб биламан: санкцияларда менинг шаъним, қадр-қимматим ва ишчанлик обрўйимга путур етказувчи ёлғон ва туҳматли баёнотлар билан чиқишди Мен ўз шаъним ва обрўимни ҳимоя қилиш учун барча қонуний воситалардан фойдаланаман.

Шу билан мен Халқаро қиличбозлик федерацияси (FIE) президенти сифатидаги фаолиятимни адолат қарор топгунига қадар тўхтатаман», — дейилади баёнотда.