Алжамайн Стерлинг Нурмагомедовнинг мағлубиятида UFC`ни айблади

Америкалик аралаш яккакураш устасининг фикрича, россиялик жангчининг омадсиз чиқишида ташкилотнинг ҳам ҳиссаси бор, чунки улар Умарни жуда тезликда, қисқа огоҳлантириш билан юқори даражадаги рақибларга қарши қўйишган.

"Умар Марио Баптистага қарши жуда рақобатбардош жанг ўтказганди, энди эса нима бўлганини барчамиз кўриб турибмиз. Мен унинг фаолияти бошида, UFC`га энди келган пайтидаёқ айнан шу ҳақида гапирган эдим. Рақиблар даражасини босқичма-босқич ошириб бориш керак. Шошилиш ярамайди. Менимча, UFC уни жуда тезлик билан юқори чўққига олиб чиқиб, унга яхшилик қилмаган, натижани эса ҳозир кўриб турибмиз", – деди Стерлинг ўзининг YouTube каналидаги навбатдаги видеосида.

UFC`да олтита ғалабага эришган Умар Нурмагомедов ўтган йилнинг январь ойида Мераб Двалишвилига қарши чемпионлик жанги учун октагонга кўтарилган ва рақобатбардош баҳсда ҳакамларнинг якдил қарори билан ютқазиб, фаолиятидаги илк мағлубиятини қабул қилиб олганди. Шундан сўнг россиялик жангчи Марио Батиста ва Дейвесон Фигередо устидан кетма-кет ғалаба қозонди. Бироқ ғалабали сериясини учтага етказиш ва навбатдаги чемпионлик имкониятини қўлга киритишга бўлган уриниши омадсиз якунланди.