Алжамейн Стерлинг иштирокидаги UFC турнирининг асосий жанги тўлиқ давом этди + ФОТО

Оқшомнинг асосий жанги ярим енгил вазн тоифасида собиқ UFC чемпиони америкалик Алжамейн Стерлинг ҳамда ярим енгил вазн рейтингида еттинчи ўринни эгаллаб турган унинг ҳамюрти Юссеф Залал ўртасида бўлиб ўтди. Жанг тўлиқ беш раунд давом этди ва якунда тажрибали Стерлинг ҳакамларнинг якдил қарори билан ғалаба қозонди. 

Шу тариқа, Алжамейн Стерлингнинг ММАдаги ғалабалари 26 тага (11 таси муддатидан аввал) етди. Мағлубиятлари сони 5 талигича қолди. У профессионал ММАда 2011 йилнинг апрелида дебют қилган эди. Бугунги ғалаба Стерлинг учун кетма-кет иккинчиси бўлди.  

Юссеф Залал эса бугун профессионал фаолиятидаги олтинчи мағлубиятини қабул қилиб олди. Ҳисобидаги ғалабалари 18 талигича (14 таси муддатидан аввал) қолди. Яна битта жангида дуранг натижа қайд этилган эди.