23 сен 14:11
Янгиликлар

Теннис

Алькараз Лэйвер Кубогида Европа жамоасига ғалаба келтирди

Дунёнинг учинчи ракеткаси Карлос Алькараз ATP рейтингида еттинчи ўринни эгаллаб турган америкалик Тэйлор Фритцни мағлуб этди.

Лэйвер Кубогининг учинчи кунидан ўрин олган ушбу учрашувда испаниялик теннисчи 6/2, 7/5 ҳисобида зафар қучди. Карлос теннисчиларнинг ўзаро иккинчи учрашувида ҳам рақибидан устун келди.

Роппа-роса 90 дақиқа давом этган баҳсда Алькараз 1, Фритц 7 та эйс зарбасини амалга оширди. Брейклар 4 га 1 кўринишида Карлос, қўшхатолар эса худди шу кўрсаткичда Тэйлор фойдасига ҳал бўлди.

Шу тариқа, Европа жамоаси жаҳон терма жамоасини умумий 13:11 ҳисобида мағлубиятга учратди. Европаликлар 2021 йилдан бери илк бор Лэйвер Кубогида зафар қучишди.