22 ноя 11:34
Янгиликлар

"Алпомиш"да 120 000 долларлик катта кураш турнири бошланди

Бу йилдан эътиборан Халқаро Кураш ассоциацияси ҳамкор ташкилотлар билан халқаро турнирлар ўтказишнинг янги тизимини йўлга қўйган эди.

World Series Pro ва World Series Masters деб номланган турнирларда дунёнинг барча қитъаси миллий федерациялари ва энг сара полвонларига иштирок этиш имконияти яратилди.

Қитъавий чемпионатлар сўнгида World Series Pro турнири учун эркаклар -66 кг, -81 кг, -90 кг ва мутлақ, аёллар эса -57 кг, -70 кг ва мутлақ вазн тоифаларида Ўзбекистон Республикаси Президенти соврини учун гиламга чиқдилар.

Бироз аввал пойтахтимиздаги "Алпомиш" спорт мажмуасида World Series Masters турнири бошланди. Унда тўрт қитъадан келган дунёнинг энг кучли полвонлари беллашмоқда.

Ғолибларни Ўзбекистон Республикаси Президенти соврини кутмоқда. Биринчи ўрин 10 000 АҚШ доллари, 2-ўрин 5 000, бронза медали соҳиблари 1 000 АҚШ доллари билан тақдирланади.