Альварес билан жангига Ўзбекистонда тайёргарлик кўрган Бивол Бишкекка келди + ВИДЕО

Яримоғир вазнда WBA камари соҳиби навбатдаги ҳимоя жангидан аввал илк йиғинни Иссиқ-Кўлда олиб боради. Кеча чемпион ўз жамоаси билан бирга Бишкекка етиб келди ва тайёргарликнинг илк босқичи 9-27 август кунлари Иссиқ-Кўлда ўтишини айтди.

Россиялик боксчининг навбатдаги рақиби ким бўлиши ҳозирча расман эълон қилинмади, аммо катта эҳтимол билан у камарга мажбурий даъвогар ҳисобланувчи мексикалик боксчи Хильберто Рамирес ёки рейтингнинг иккинчи рақамли боксчиси, британиялик Жошуа Буатси бўлади.

Эслатиб ўтамиз, Дмитрий Бивол сўнгги бор 8 май куни Сауль Альваресга қарши жанг қилган эди.

Таъкидлаш жоиз, Дмитрий Бивол Сауль Альварес билан жангга тайёргарликнинг бир қисмини айнан Ўзбекистонда ўтказган эди.