09 июл 17:29
Янгиликлар

Бокс/ММА

Альварес IBF камаридан маҳрум қилиниши мумкин

Профессионал бокснинг ўрта вазн тоифасида учта йўналиш чемпиони бўлиб турган Сауль Альварес IBF камаридан маҳрум бўлиши мумкин.

Халқаро бокс федерацияси (IBF) мексикалик жаҳон чемпионига IBF камарига расмий даъвогар Сергей Деревянченкога қарши ҳимоя жангини ўтказиш мажбуриятини қўйганди. Лекин Саулнинг жамоаси 15 июнгача белгиланган сўнгги муддатгача ҳам украиналик боксчи билан музокараларга киришмади.

Агар IBF Альваресни чемпионлик камаридан маҳрум қилса, у ҳолда ушбу вазн рейтингининг юқори қисмида жойлашган Сергей Деревянченко ва Геннадий Головкин вакант бўлиб қолган камар учун ўзаро жангда рингга кўтарилади. Альварес эса ярим оғир вазн тоифаси чемпиони Сергей Ковалёв билан жанг қилишга уринмоқда.