11 ноя 20:43
Янгиликлар

Теннис

Амалдаги чемпионсиз ўтадиган ATP Якуний турнирига қуръа ташланди

13-20 ноябрь кунлари Италиянинг Турин шаҳрида теннис бўйича йилнинг Якуний ATP турнири бўлиб ўтади.

Мусобақа ташкилотчилари дунёнинг кучли саккиз теннисчиси иштирокида ўтадиган турнирга қуръа ташлашди.

"Яшил гуруҳ"дан испаниялик Рафаэль Надаль (1), норвегиялик Каспер Рууд (3), канадалик Феликс Оже (5) ва АҚШ вакили Тэйлор Фритц (8) жой олди.

"Қизил гуруҳ"дан эса грециялик Стефанос Циципас (2), россияликлар Даниил Медведев (4) ва Андрей Рублёв (6) ҳамда сербиялик Новак Жокович (7) ўрин эгаллади.

Маълумот учун, ATP Якуний турнири 13-20 ноябрь кунлари бўлиб ўтади. Мусобақанинг амалдаги ғолиби германиялик Александр Зверев турнирда иштирок этмайди.