AMC Fight Nights чемпионига "повестка" келди, унинг укаси шу урушда ҳалок бўлганди

Куни кеча Россия Федерацияси Президенти Владимир Путиннинг Украинага қарши давом этаётган урушга сафарбарлик ҳақидаги фармони имзоланганди. Унга кўра, Минеевга ҳам чақирув қоғози келган. Владимир ўтган йилгача шартнома асосида Ульяновскдаги 31-алоҳида ҳаво ҳужуми гвардияси бригадасида десант сифатида ҳарбий хизматни ўтаган эди.   

"Ҳа, менга чақирув қоғози келди. Шу кунларда военкомат, яъни ҳарбий рўйхатга олиш идорасига бораман. Афсуски, менинг укам Гостомелда Украина билан урушда ҳалок бўлди. Ҳозир мен тўрт оилага бош бўлиб турган ягона эркакман. Жиянларим, яъни укамнинг икки фарзанди, биринчи оиламдан қолган қизим, ҳозирги оилам, онам ва бувим менинг қарамоғимда қолишган. Лекин урушдан қочиш ҳақида ўйламаяпман. Чақирув қоғозиини олиб, ҳарбий идорага бораман. У ерда ҳаммаси ҳал бўлади", - дея Матч ТВ телеканалига интервью берган Минеев.