Америка авиакомпанияси Хабибни айблади

Бунга россиялик аралаш яккакураш устасининг фавқулодда чиқиш эшиги олдидаги ўриндиққа ўтиргани ҳамда стюардесса, яъни борт кузатувчиси билан шу масалада тортишиб қолгани сабаб бўлганди. Авиакомпания расмий баёнотида айтилишича, россияликнинг ўзини тутиши АҚШ фуқаролик авиацияси Федерал бошқаруви томонидан ўрнатилган хавфсизлик талабларига зид. 

"2025 йилнинг 11 январь куни Лас-Вегасдан Сан-Францискога учишга шайланган 4401 рейси борт кузатувчиси одатдагидек фавқулодда чиқиш йўлаги ҳақида маълумот беради. Чиқиш эшиги олдида ўтирган Хабиб Нурмагомедовдан бир неча бор фавқулодда ҳолат бўлиб қолганда ёрдам бера оладими ёки йўқ деб сўралди. Унга бошқа ўриндиққа ўтириш таклифи берилди. Жаноб Нурмагомедов буларга жавоб бермади. Бунинг натижасида ўзиниям, бизни ҳам ноқулай ҳолатда қўйди. Бу эса АҚШ фуқаролик авиацияси Федерал бошқаруви қоидаларига хилоф хатти-ҳаракат. Тарқалган видео ўша пайтдаги ҳолатни тўлиқ кўрсатиб бермайди. Ходимларимиз иккинчи уринишда ҳам вазиятни ўнглашга ҳаракат қилишган. Аммо бесамар кетган. Биз унинг ўзи ва ҳамроҳларига чипта учун сарфланган пулларни қайтариб бердик", - дейилади компания расмий баёнотида.