24 мар 09:41
Янгиликлар

Футбол

Америка Кубоги — 2024`нинг барча иштирокчилари маълум

Коста-Рика ва Гондурас терма жамоалари ўртасидаги учрашувда Америка Кубогининг сўнгги иштирокчиси маълум бўлди.

Ушбу ўйинда 3:1 ҳисобида ғалаба қозонган Коста-Рика терма жамоаси АҚШ яшил майдонларида ўтказиладиган Америка Кубоги-2024`га сўнгги чиптани қўлга киритди. Бу билан барча тўрт гуруҳ шаклланди.

А гуруҳи: Аргентина, Перу, Чили, Канада

B гуруҳи: Мексика, Эквадор, Венесуэла, Ямайка

C гуруҳи: АҚШ, Уругвай, Панама, Боливия

D гуруҳи: Бразилия, Колумбия, Парагвай, Коста-Рика

Маълумот учун, Америка Кубоги шу йил 20 июндан 14 июлга қадар АҚШнинг 14 та шаҳрида бўлиб ўтади. Гуруҳ босқичи 20 июндан 2 июлга қадар, 1/4 финал 4-6 июль кунлари, 1/2 финаллар — 9 ва 10 июль, 3-ўрин учун баҳс эса 13 июлга белгиланган. Ҳал қилувчи финал учрашуви 14 июль куни Майами шаҳрида ўтказилади.