31 окт 08:46
Янгиликлар

Бокс/ММА

Амирхон Алихўжаев кейинги жангини Россияда ўтказади, унинг рақиби ҳам маълум + ПОСТЕР

15 ноябрь куни Россиянинг Санкт-Петербург шаҳридаги "Цинь" катта ресторанида ММА бўйича Bears FC турнири бўлиб ўтади.

Мусобақада енгил вазн тоифасида ўзбекистонлик жангчи Амирхон Алихўжаев (5-4-0) ҳам октагонга кўтариладиган бўлди. Бу ҳақда ҳамюртимизнинг ўзи Instagram саҳифаси орқали хабар берди. Алихўжаевга шу куни россиялик Дмитрий Яковлев (4-4-0) рақиблик қилади.

Эслатиб ўтамиз, Амирхон Алихўжаев охирги жангини сентябрь ойида Словакияда ташкил этилган Fabriq MMA 3 турнирида бельгиялик Магомед Кадимагомедовга қарши ўтказиб, мағлуб бўлган эди.

Дмитрий Яковлев эса август ойида бошқа бир ўзбекистонлик аралаш яккакураш устаси - Азизулло Акбаралиев билан жанг қилиб, ғалаба қозонганди.