Амирхон Алихўжаев: "Спортдан кўнглим совиб кетди"

"Сўнгги жангимдан кейин одамларда салбий фикрлар кўпайиб кетди. Тўғриси, спортдан кўнглим совиб кетди. Ўзимга-ўзим спортни йиғиштираман, бўлди, менга керак эмас, дедим. Тошкентдаги таниш инсонларим билан бизнес қилмоқчи эдим. Лекин Жасур ака (Алижонов), Муҳиддин ака ва бошқа катталар спортда мағлубият ғалаба билан ёнма-ён юради, шунча ғалабага эришдинг, одамларнинг гапига аҳамият берма, дейишди. Уларнинг гапига "ҳўп", деганим билан кўнглимда спортга бўлган олов ўчиб қолган эди", дейди Амирхон Алихўжаев Olamsport.com мухбири Сарвиноз Раҳмонқулова билан суҳбатда.

Эслатиб ўтамиз, Амирхон ўтган йилнинг сентябрь ойида қозоғистонлик Саят Абдуали билан жанг қилиб, илк раундда имкониятни бой бериб қўйганди.