Амирхон Алихўжаев: "Урушни мен бошламадим!"

"У билан ёшлигимизда битта мактабда ўқиб, дўст бўлганмиз. Мен иложи борича уришмасликка ҳаракат қилаётгандим. Чунки битта вазнда бўлсак ҳам унинг йўли бошқа, менинг йўлим бошқа эди. Лекин эшитишим бўйича, ўзи жанг қилишни истабди. 

Аллоҳ юзингизни иссиқ қилиб қўйса, кўтарилиб кетаверасиз. Ҳатто чемпион бўлсангиз ҳам. Бу болани (рақиб назарда тутиляпти) ўзимни синаб кўриш учун олган эдик. Достон қанақа урушган, мен қандай урушаман қабилида. Энди иложи йўқ, иккимиз ҳам чиқиб бўлдик. Улар хоҳлагани учун ҳам мен урушаман дедим", дея муносабат билдирди Алихўжаев.

Амирхон 6 октябрь куни Олма-Ота шаҳрида ташкил этилган Octagon 64 турнирида қозоғистонлик Нурбек Тожибоевни нокаутга учратган бўлса, Достон Бозоров бразилиялик Гильерме Нересни муддатидан олдин таслим этган эди.