"Ана шу қора йигит". Раҳмонов треш-ток учун UFC`нинг қайси жангчисини калтакламоқчи эканини айтди

— Агар бирор жангчини танлаб, унинг оғзини бутунлай ёпиб қўйиш имконинг бўлса, кимни танлардинг?

— Ана шу қора йигит Хоакин Баклини. У доим нимадир дейди, ёзади, ғийбат қилади. Агар имконият бўлса, уни калтаклайман, — деди Раҳмонов ALF Global YouTube-каналига берган интервьюсида.

Қозоғистон шарафини ҳимоя қилувчи 31 ёшли Раҳмонов ММА`даги фаолиятини 2014 йил октябрь ойида бошлаган. "Номад" ҳисобида 19 та ғалаба (шундан 18 таси муддатидан аввал) бор ва у ҳали бирор марта ҳам мағлубиятга учрамаган. Шавкат M-1 Global’нинг ярим ўрта вазн тоифасидаги собиқ чемпиони бўлиб, камарини бир марта муваффақиятли ҳимоя қилган.

Америкалик жангчининг профессионал рекордида 21 та ғалаба (15 таси муддатидан аввал) ва саккизта мағлубият бор. Бакли профессионал фаолиятини Раҳмонов сингари 2014 йилда бошлаган.