04 июл 07:01
Янгиликлар

Футбол

Ана холос! Африка Миллатлар кубоги ёмғир туфайли олти ой ортга сурилди

Африка футбол конфедерацияси Ижроия қўмитасининг Марокашда бўлиб ўтган йиғилишида Африка Миллатлар кубогининг навбатдаги турнирини олти ойга кўчиришга қарор қилинди.

Африка миллатлар кубоги 2023 йилнинг июнь-июль ойларида Кот-д'Ивуарда ўтказилиши керак эди. Бироқ бу даврда, одатда, мамлакатда кучли ёмғир ёғади. Шу муносабат билан турнир 2024 йилнинг январь-февраль ойларига кўчирилди.

Мусобақанинг амалдаги соҳиби Сенегал терма жамоаси ҳисобланади. Шу йилнинг февраль ойида бўлиб ўтган финалда Садио Мане ва унинг жамоаси пенальтилар сериясида Мисрни мағлуб этишди.