Ана холос! Жастин Гэтжи якшанба тонгида Пимблетт билан жанг қила олмаслиги мумкин

Мусобақанинг асосий беллашувида америкалик Жастин Гэтжи Англия вакили Пэдди Пимблеттга қарши октагонга кўтарилиши белгиланган.

Бироқ хорижий ОАВларда тарқалган хабарларга кўра, UFC шифокорлари Жастиннинг бўйин қисмидаги кичик жароҳат яқин бир кун ичида яхшиланмаса, спортчига турнирда иштирок этиш учун рухсат берилмаслигини маълум қилишган. Бундай ҳолатда Жастин Гэтжининг ўрнини Арман Царукян эгаллаши айтилмоқда. Ҳозирча бу хабар ташкилот томонидан тасдиқланмади.

Гэтжи ва Пимблетт ўртасидаги жанг енгил вазн тоифасидаги UFC Interim камари учун бўлиб ўтади.