21 фев 11:16
Янгиликлар

Бокс/ММА

Ана холос! Ўзбекистон терма жамоаси боксчиси Қозоғистон сафига ўтди!

Бокс бўйича 2023 йилги Ўзбекистон чемпионатида бронза медалини қўлга киритган Аман Конисбеков эндиликда Қозоғистон терма жамоаси сафида жангларини ўтказади.

Бу ҳақда KazInform нашри хабар бермоқда.

Конисбеков қозоқ миллатига мансуб ҳисобланади. Эндиликда Аман Туркистон вилояти номидан рингга чиқади.

У 2023 йил ноябрь ойида ўтказилган Ўзбекистон чемпионатининг 71 кг вазн тоифасида бронза медалини қўлга киритган эди. Конисбековнинг ўшанда ярим финал босқичида жаҳон чемпиони Асадхўжа Мўйдинхўжаев билан ёрқин жанг кўрсатгани мухлисларнинг ёдида. Аман биринчи раундда Асадхўжани нокдаун ҳолатига тушириб қўйганди.