07 май 18:10
Янгиликлар

Спорт курашлари

Анъана бузилмади, қизларимиз Олимпиада лицензиясини қўлга кирита олмадилар

Болгария пойтахти София шаҳрида спорт курашлари бўйича Токио Олимпиадасига йўлланма берувчи энг охирги - жаҳон лицензион турнири давом этмоқда.

Хабар берганимиздек, бугунги дастурдан эркин кураш бўйича медаллар учун беллашувлар, аёллар курашида эса саралаш бахслари ўрин олган эди. Аёллар кураши терма жамоамизнинг олти нафар вакиласи лицензиялар учун курашга киришганди, афсуски улардан ҳеч бири ярим финалга ҳам етиб кела олмади.

Ваҳоланки, фақат финалчиларгагина Олимпиада чиптаси тақдим этилади. Ўзбекистон аёллар кураши тарихида ҳали ҳеч бир спортчимизга Олимпиадага бориш насиб этмаган эди. Энди умидимизни Париж-2024 Олимпиадасига олиб қўямиз. Эртага эса юнон-рум кураши баҳсларида иштирок этувчи ягона вакилимиз Маҳмуд Бахшуллоевга мухлислик қиламиз. 67 кг вазндаги курашчимиз 1/8 финалда қирғизистонлик Амантур Исмаиловга қарши гиламга чиқади.