20 июн 12:23
Янгиликлар

Каратэ

Анъанавий каратэ-до бўйича ўтказилган маҳорат сабоқларидан ФОТОРЕПОРТАЖ

Теглар : Каратэ-до

Ўзбекистон Президенти Администрацияси ҳузуридаги Ахборот ва оммавий коммуникациялар агентлигида 2023 йилнинг май ойида анъанавий каратэ-до бўйича Жаҳон кубогининг Тошкент шаҳрида бўлиб ўтиши расман эълон қилинган эди.

Кеча эса Жаҳон ултиматум каратэ лига президенти, машҳур йога, табиий медицина доктори, анъанавий каратэ-до бўйича 8-ДАН қора белбоғ соҳиби Ражив Шинха пойтахтимиздаги молия институти спорт мажмуига ташриф буюрди.

Бу ерда таниқли спортчимиз маҳорат сабоғини ўтиши керак эди. Шундай ҳам бўлди: 40 нафарга яқин анъанавий каратэ-до ишқибозлари бир соатдан ошиқ вақт мобайнида маҳорат дарсидан баҳраманд бўлишди.

Шунингдек, яна бир маҳорат дарси ўтилди - “Янги Ўзбекистон” боғида юксак маҳорат эгаси анъанавий каратэ-до сир-асрорлари билан тўпланганларни мамнун этди.