Анасхон Раҳматов Ўзбекистоннинг ғалаба қозонишига нима етишмаганини айтди

- Ўйин ҳақида

- Биринчи ўйин ҳар доим қийин бўлган. Бугун ҳам шундай ҳолат такрорланди. Ўйин сўнгида мағлубиятдан қутулишни уддаладик. Мухлислар сўнгги лаҳзаларгача қўллаб-қувватлашди. 

- Бугунги натижа ўйинга мос бўлдими? Натижадан кўнглинигиз тўлдими?

- Йўқ, сабаби ҳар бир жамоа турнирни ғалаба билан бошлашни хоҳлайди. Бироқ мағлубиятни дурангга айлантира олганимиз яхши бўлди.

- Жамоанинг ғалаба қозонишига нима етишмади?

- Таркибда ёшлар кўп эди. Менимча, тажриба етишмади. 

- Жамоа ютқзаётган пайтда Ўзбекистон бош мураббийи тайм-айт олди, шундан сўнг ҳакам ҳуштаги чалиниши арафасида учинчи гол урилди. Мураббий қандай кўрсатмалар берди?

- Мураббий барчани хотиржамликка чақирди. Гол ура олишимиз, ўзимизга ишонишимиз кераклигини уқтирди ва буни уддаладик. 

- "Ҳумо арена"га ташриф буюрган мухлисларнинг ўрни қандай бўлди?

- Уларнинг ўрни катта эди, айниқса, ютқазаётганимизда бизга далда бериб туришди. Қийин ҳолатларда мухлислардан мотивация олишга ҳаракат қилдик.