Анчелотти "Эл Классико"даги ғалабадан сўнг нималар деди?

"Кучли жамоага қарши ажойиб, тенг курашларга бой ўйин ўтказдик. Бугун рақиб яна чемпионлик "пойга"сига қайтиш учун ҳаракат қилди, биз эса бор кучимиз билан уларга қаршилик кўрсатдик. Учрашув давомида икки марта ҳисобни тенглаштиришга эришдик.

 Бугунги ўйин орқали "Реал" яна бир бор охиргача курашишини кўрсатиб қўйдик. Бу ҳафта унутилмас бўлди. Энди биз мавсумнинг қолган қисмига тайёргарлик кўришимиз шарт. Мен жамоамга ишонаман ва мавсумни ажойиб тарзда якунлаймиз", — деди Анчелотти.