Анчелотти "Эл Классико"даги шармандали мағлубиятдан кейин нималар деди?

Учрашувдан сўнг "Қироллик клуби" бош мураббийи Карло Анчелотти ўз фикрлари билан ўртоқлашди.

“Ўйин старти яхши бўлди, аммо 0:1 дан сўнг назоратни йўқотдик, “Барса” бўш ерларни топди ва бизга муаммо туғдирди. Уч ҳимоячи билан баҳсни бошладик, яккама-якка ўйнашга интилдик, аммо бу бизга натижа бермади, бизнинг кунимиз эмасди.

Чемпионатдаги устунлик биз томонда. Энди дам олиш ва кейинги 2 ҳафтага тайёргарлик кўришимиз лозим. Иккинчи бўлимда кўпроқ прессинг қилишга ҳаракат қилдик, аммо бу амалга ошмади. Бу эса менинг айбим.

Бу оғир мағлубият, чунки бу “Класико”. Бу зарба, жангда ютқаздик.

Бироқ, бизда (Ла Лига) устунлик бор ва хотиржамликни сақлаб, жароҳатдагиларнинг сафга қайтишини кутишимиз зарур. Ўтган учрашув туфайли драма келтириб чиқаришга ҳожат йўқ. Бизни таниб бўлмасди, бари ўхшамади. Буни унутиб, олдинга интилишда давом этишимиз зарур, бизда катта устунлик бор”, дейди Анчелотти.