Андижонда Ўзбекистон очиқ чемпионати ўтказилди

Мусобақада Андижон, Тошкент, Навоий, Наманган, Фарғона, Сурхондарё ва қўшни Қирғизистон Республикасидан келган жами 150 нафардан зиёд ёшлар иштирок этди.

Икки кунлик муросасиз беллашувлар якунига кўра, Андижон вилояти ёшлари умумжамоада 1-ўринни, Сурхондарё ва Навоий ёшлари кейинги ўринларни қўлга киритишди.

Чемпионатнинг ғолиб ва совриндорлари Андижон вилояти жисмоний тарбия ва спорт бошқармаси, Ўзбекистон кураш федерацияси ва хомийлар томонидан ажратилган диплом, медаль ва қимматбаҳо совғалар билан тақдирланди.