"Андижон"га уч нафар легионер келмоқда, улардан бири "Осасуна"да ўйнаган

"Черногория мамлакатидан ташриф буюрадиган легионер масаласи ижобий ҳал этилди ва кейинги ҳафта бошларида Ўзбекистонга учиб келишлари учун клуб томонидан самолётга чипта харид қилинди. 

«Сурхон»нинг собиқ ўйинчиси Владимир Бубанья билан қўшиб ҳисоблаганда уч нафар хорижлик билан деярли келишувга эришилди. Тиббий кўрикдан ўтганларидан кейин тўлақонли шартнома имзоланади. Бандлари келишиб бўлинган. 

Демак, черногориялик футболчиларнинг иккиси Дмитровграднинг «Искра» клуби шарафини ҳимоя қилишган. Богдан Милич - 1987 йилда таваллуд топган ва амплуаси ҳужумчи. 

Шериги Горан Милойка эса 1994 йилда туғилган ва марказий ярим ҳимоячи саналади. Йиғинлар давомида янги жамоадошлари билан тезроқ тил топишиб, «Андижон»га катта фойда келтиришларидан умидвормиз", - дейилади клуб матбуот хизмати хабарида.

Таъкидлаш керакки, Богдан Милич (бўйи - 201см) 2015-2016 йилларда Испаниянинг "Осасуна" жамоаси либосида тўп тепган.