30 июн 13:44
Янгиликлар

Бокс/ММА

Андраде камарини ишончли тарзда ҳимоя қилди

Бугун АҚШнинг Род-Айленд штати Провиденс шаҳрида профессионал бокс кечаси бўлиб ўтди.

Оқшомнинг марказий жангида ўрта вазн тоифасида WBO чемпионлик камари соҳиби Деметриус Андраде даъвогар Мацей Сулецкига қарши рингга кўтарилди. Жанг тўлиқ ўн икки раунд давом этди.

Якунда ҳакамлар бир овоздан - 120:107, 120:107, 120:107 ҳисобида Андраденинг ғалабасини эълон қилишди. Деметриус фаолиятида 28-ғалабасини қўлга киритди. Сулецкий эса фаолиятидаги иккинчи мағлубиятини қабул қилиб олди.