28 авг 09:52
Янгиликлар

Футбол

Англия кубоги. "Манчестер Юнайтед" 1/32 финалда 4-лига жамоасига мағлуб бўлди ва турнирни тарк этди

"Гримсби" ва "Манчестер Юнайтед" ўртасидаги Лига кубогининг иккинчи босқич ўйини Клиторпс шаҳридаги "Бланделл Парк" стадионида бўлиб ўтди.

Учрашувнинг 22-дақиқасида Чарлз Вернем ҳисобни очди. Тайрелл Уоррен 30-дақиқада мезбонларнинг устунлигини оширди. 75-дақиқада Бриан Мбемо "Юнайтед" учун битта гол урган ҳолда ҳисобдаги фарқни биттага қисқартирди. Харри Магуайр 89-дақиқада ҳисобни тенглаштирди.

Учрашувнинг асосий вақти 2:2 ҳисобида якунланди. Пенальтилар сериясида Андре Онана Кларк Одуорнинг зарбасини қайтарган бўлса, Матеус Кунья ва Бриан Мбемо ўз уринишларини голга айлантира олмади. Учрашувдан кейинги серия 12:11 ҳисобида "Гримсби" фойдасига ҳал бўлди.