18 июн 10:02
Янгиликлар

Бошқалар

Ангрен жамоаси ғолиб бўлди

Наманганда Ўзбекистон Республикаси Мудофаасига кўмаклашувчи “Ватанпарвар” ташкилоти республика Марказий кенгаши томонидан ўтказилаётган картинг спорти бўйича Ўзбекистон кубоги мусобақаларининг иккинчи босқичи мусобақалари бўлиб ўтди.

Учқўрғон ўқув спорт техника клубининг картодромида бўлиб ўтган мусобақаларда Тошкент, Сирдарё, Бухоро, Фарғона, Андижон, Сурхондарё, Қашқадарё, Жиззах, Хоразм, Самарқанд, Навоий вилоятлари ҳамда Тошкент шаҳридан 16 жамоа Mikro, 125К, 125YU, Mini, KZ, 125M, KF, 250 куб.см тоифаларида ғолиблик учун ўзаро баҳслашди.

Шахсий биринчиликда А.Ҳамроев, С.Акопян, Н.Саев (Тошкент шаҳри), А.Ҳайдаров, К.Надимов, В.Ушека (Ангрен), Д.Сулаймонов (Бухоро), А.Эгамбердиев (Наманган вилояти, Уйчи тумани) лар ғолиб бўлди.

Умумжамоа ҳисобида мусобақа шоҳсупасининг энг юқори поғонасини Ангрен шаҳри автомобиль мактаби жамоаси эгаллади. Иккинчи ўрин пойтахтнинг Яшнобод тумани ва учинчи ўрин Наманган вилоятининг Уйчи тумани ўқув спорт техника клубларига насиб этди.

Ғолиб ва совриндорлар диплом, медаль ҳамда эсдалик совғалари билан тақдирланди.