Анжелик Кербер Страсбургда 1/2 финалга чиқди

Дунёнинг 22-ракеткаси бўлиб турган Анжелик Кербер мусобақанинг ярим финал иштирокчисига айланди. Германиялик теннисчи чорак финалда WTA рейтингининг 56-поғонасидан жой олиб турган польшалик Магда Линеттни уч сет натижасига кўра таслим этди - 6/2, 4/6, 6/4.

Икки соату 13 дақиқа давом этган баҳсда 34 ёшли Кербер 1 та эйс, 6 та қўшхато ва 4 та брейк-пойнт, 30 яшар Линетт эса 4 та эйс, 4 та қўшхато ҳамда 2 та брейкни амалга оширган. Бу теннисчиларнинг ўзаро ўтказган илк учрашуви эди.