24 июл 10:25
Янгиликлар
Бокс/ММА
Анкалаев Гусков устидан ғалаба қозонса, кейинги тақдири қандай кечишини тахмин қилди
UFC ярим оғир вазн тоифасининг собиқ чемпиони, россиялик Магомед Анкалаев 25 июль куни Абу-Даби (БАА)да бўлиб ўтадиган UFC Fight Night 282 турнирида ўзбекистонлик Богдан Гусковга қарши бўладиган жангидан кейинги истиқболлари ҳақида гапирди.
«Амалдаги чемпион ҳали қайтмайди, унинг тикланиши учун яна анча вақт керак. UFC қандай таклиф беради — буни кўрамиз. Балки топ-5ликдаги рақиблардан бири ёки юқорига кўтарилганлардан, масалан, Коста ёки Уиттакер билан жанг қилиш қизиқ бўларди. Улар билан ҳали тўқнаш келмаганман. Асосий мақсадим — чемпионлик камари учун жанг қилиш. Аммо чемпион ҳозирча октагонга қайта олмаётган экан, дивизионни «тозалаш»да давом этамиз», — деди Анкалаев MMAJunkie нашрига берган интервьюсида.
Эслатиб ўтамиз, ҳозирги кунда UFC ярим оғир вазн тоифасининг амалдаги чемпиони янги зеландиялик Карлос Улберг ҳисобланади.
Ҳавола :
Манба : championat.com
Фикрлар