Анкалаев UFC`нинг Тейшейра - Хилл чемпионлик жангини белгилаганига муносабат билдирди

Унга кўра, январь ойида Бразилияда ўтказиладиган UFC турнирида собиқ чемпион Гловер Тейшейра америкалик Жамал Хиллга қарши октагонга кўтарилади. 

Бугун аслида ғалаба қозонган, фақат қўли ғолиб сифатида кўтарилмаган россиялик Магомед Анкалаев UFC раҳбарининг ушбу қарорига муносабат билдирди.

"Вакант қолаётган UFC камари учун Тейшейра - Хилл Бразилияда жанг қилади? Бу уларнинг қарори. Мен шу ердаман ва камар учун овни давом эттираман", – деди Анкалаев ESPN AR нашрига берган интервьюсида.

Эслатиб ўтамиз, аслида бугун UFC 282 турнирининг марказий жангида бразилиялик Гловер Тейшейра дивизион чемпиони Иржи Прохазкага қарши октагонга чиқиши лозим эди. Аммо чехиялик машғулот чоғида жароҳат олиб, камардан воз кечганди. Кейин Тейшейра Магомед Анкалаев билан жанг қилишдан бош тортди. Натижада Ян Блахович - Магомед Анкалаев жанги чемпионлик дея қабул қилинди.